أكد عماد متعب نجم الأهلى السابق، أن الأنجولى كامويش كل يوم بيزيد من قلقى وكل قراراته غلط، وأتمنى أن يظهر بشكل مغاير في المباريات المقبلة، ومروان عثمان بيحاول.
تصريحات عماد متعب
وقال عماد متعب خلال حواره مع الإعلامى محمود المحمودى في برنامج “هاتريك” المذاع على قناة أون سبورتس 2: “جمهور الأهلى دائما كانت في ضهرى في كل المواقف الصعبة، فلازم تكسب الجمهور ده، وجمهور الأهلى دائما طماع عاوز يكسب وأداء رائع”.
وأضاف: “الأهلى كان عنده مشكلتين في مباراة الجيش الملكى، إهدار الفرص وبطء في الأداء، لما الأهلى سرع الرتم تواجدت الفرص الكثيرة ولكن إنهائها مكانش صح”.
وتابع: “جمهور الأهلى لم يتوقف عن التشجيع طوال الـ90 دقيقة أمام الجيش الملكى، وكان حزين علشان الأهلى مكسبش ولكن صدارة المجموعة دى الأهم في المباراة”.
وعن هجوم الأهلى، قال: “مروان عثمان بيحاول ومستنيين منه الكتير، وكامويش كل يوم بيزيد قلقى وعنده مشكلة في القرار، فرصة الجيش الملكى لعبها بطريقة متتلعب بها خالص لعبها بوشه مش برأسه، وكان في موقف يسمحله يلعبها في البعيدة أو القريبة”.
وتابع: “كامويش كل الدقائق التي لعبها بيزيد قلقى وهو مش جاهز خالص، وفيه حاجات مش محتاجة جاهزية كل قراراته غلط، والمفروض أنه جاى يعوض وسام أبو على ولكن ده مفيش خالص، وأتمنى يظهر بشكل أقوى في المباريات المقبلة”.
وعن عودة إمام عاشور، قال: “قرار صحيح جدا عودة إمام عاشور للمشاركة، هو غلط والأهلى خد العقوبة واللاعب التزم بها ونفذها، الاحترافية أنه يرجع للفريق على طول، وعودته مهمة جدا للفريق لأنه عنده حلول ومن أهم اللاعبين في أفريقيا، وأقول لإمام حرام عليك موهبتك لازم تلتزم تركز والاحتراف جاى جاى طول ما أنت شغال في الملعب فقط، ومساندة وليد صلاح الدين له وراح بيه للجمهور لينهى أي زعل بين الجمهور واللاعب”.
Related Posts:
